وجاءت تكليفات الوزير، خلال اجتماع عقده مساء الثلاثاء، مع مديري المديريات، موجهًا بتجهيز قاعات خاصة بمجموعات الدعم داخل عدد محدد من المدارس، بكل إدارة تعليمية، لاستقبال الطلاب، وشرح كل المناهج، وفق بيان رسمي صدر مساء الثلاثاء.

ونقل موقع المنصة عن مصدر رفيع بقطاع التعليم العام، أن مجموعات الدعم ستكون أقرب إلى “سناتر تعليمية” داخل عدد من المدارس بكل إدارة، على أن تكون بديلة عن “مجموعات التقوية” المعمول بها تقليديا، وسيجري التعاقد مع المعلمين الأكفاء للتدريس فيها، معقبًا “الخطة إن مجموعات الدعم تكون منافسة لمراكز الدروس الخصوصية، وبأسعار معقولة”.

ولفت المصدر، إلى أن الوزارة سوف تضع قائمة أسعار أمام الطلاب، نظير المشاركة في “مجموعات الدعم”، لكنها ستكون حسب طبيعة كل منطقة جغرافية، معلقًا “يعني أسعار منطقة ريفية مش هتكون زي منطقة شعبية ولا زي منطقة حضرية، وهنراعي ظروف كل منطقة لما هنحدد السعر، لكن أكيد مش هتكون زي فلوس الدروس الخصوصية”.

وأشار المصدر القيادي إلى أنه سيجري انتقاء المعلمين حسب الكفاءة والخبرة والشهرة والتميز، مضيفًا “هنشوف مين أفضل معلمين في كل إدارة ونجيبهم ونديهم سعر كويس، علشان نجذب الطلبة للمجموعات دي، ومنخليش المدرس يروح مركز دروس خصوصية، لأ، يجي عندي أنا في مجموعات الدعم المدرسية، وهنعمل قاعات متميزة للطلبة اللي عايزة تاخد دروس، وده هيكون بعد انتهاء اليوم الدراسي، وأيام الأجازات الأسبوعية، الجمعة مثلًا”.

ولفت إلى أن “المقترح الحالي، أن يحصل المعلم على 50% من دخل المجموعة، يعني لو الحصة بخمسين جنيه للطالب، مثلًا، وحضر 20 طلاب، كده 1000 جنيه، فالمدرس اللي هيجي هياخد 500 جنيه في الحصة الواحدة، بس ده لسه بندرسه، وفي المجمل المعلم هياخد مبلغ محترم مش هيخليه يروح لمراكز الدروس الخصوصية”.