هاجم المستشار مرتضى منصور، رئيس نادي الزمالك، التغيير الوزاري الذى جرى اليوم، بعد تعيين شريف إسماعيل رئيسًا للوزراء، خلفًا لإبراهيم محلب عقب استقالته، قائلا “فيه تهريج”.
وقال مرتضى منصور، في مداخلة صوتية اليوم، لبرنامج “أسرار الملاعب” مع عصام شلتوت على فضائية “LTC”: “شريف إسماعيل كان جالس على حجر محمد فودة الفاسد، وشوفوا صوره”، حسب تعبيره.
ووجه مرتضى حديثه للسيسي، قائلا: “هو في إيه يا سيادة الرئيس السيسي؟! خير إن شاء الله؟ أنا حزين، من حق السيسي إنه يغيّر لأن دي مسؤوليته، لكن مايجيبش شريف إسماعيل اللي معين مراته في إنبي، وكل عيلتها شغالة في إنبي، وعاملين شركة إنبي عزبة”.
وأوضح: “ماينفعش اللي قعد مع محمد فودة وعمل معاه 15 لقاء ومتصور معاه عشان يدخله ماعرفش إيه في زفتة!!”، منهيا حديثه للسيسي بجملة “لا يا أستاذ احنا مش موافقين على اللي بتعمله”.
وأضاف: “أنا باقول علنًا أهو، أنا ضد هذا الرجل”، موضحًا أيضًا “أنا لما انزلت في 6/30 ضد مرسي واللي معاه، كان علشان يبقى بكرة أحسن مش يبقى بكرة أسوأ، آسف هذا الاختيار خاطئ، ولازم تراجع نفسك ومش عيب”.
شاهد الفيديو:
