انتقد الإعلامي جابر القرموطي، طريقة أداء وزير الري، حسام مغازي، في مفاوضات سد النهضة قائلًا “يارت تطمني سد النهضة ده رايح على فين؟ رايح لحيطة سد ولا لمرحلة نهضة بالنسبة لينا بدل الخوازيق اللي عمالين ناخدها دي، وآخرها تصريح لوزير الخارجية الإثيوبي بيقول “مصر لم تقدر على حرب إثيوبيا”.
وأضاف، خلال تقديمه برنامج “مانشيت” الذي يعرض على القناة الفضائية “أون تي في”، مساء أمس الأربعاء، “هي مش مسألة مش هنقدر بس إحنا عندنا رئيس جمهورية هادي أوي في المسائل دي وكل ما نقوله رد يا فندم يضحك يا فندم.. رد.. يضحك”.
وتابع القرموطي: “أنا حاسس إن وزير الري بيضحك علينا ومش مصدقه في موضوع سد النهضة ده والوقت عمال يجري وانت مش مديني إقناع إنك ماشي صح، ياريت تسيب المسألة لحد تاني”.
كما طالب القرموطي، وزير الري بتوضيح جهود مصر في الحفاظ على حقها في نهر النيل.
