تفاقمت أزمة نقص المواد التموينية للشهر الثاني على التوالي في قرية كفر ابنهس بقويسنا.
تقول سميرة عادل: “المفروض أن التموين يكون زيت وسكر ورز من الشهر اللي فات، والبقال بيقول اعمل إيه العيب عند الحكومة.. طيب احنا كشعب ذنبنا إيه؟!”.
ويؤكد مؤمن أحمد، صاحب محل تموين: “أنا بروح علشان أصرف بيقولوا لسه الحصة بتاعتك موصلتش واعمل إيه الناس مفكرة إن العطلة عندي بس الحكومه هي الي واقفه حالنا مش انا بس ، أصحاب محلات التموين كلهم زيي انا بقول للناس روحوا اشتكوا الحكومة لان التقصير منها مش مننا انا زيكم الضرر واقع عليا”.
وتعبر فاطمة صالح عن استيائها من تلك الأزمة: “فين الوعود أن الحال هيكون أحسن ده كل حاجة سعرها بيرفع وحتى التموين مش بيجي نعيش ازاي؟”.
ويضيف رامي كمال: “التموين شيء أساسي في البيوت، بيرحمنا من الغلاء شوية وبيساعد في المعيشه لما يقعد شهرين مش موجود بيفرق معانا كتير، طبعا الحكومة والرئيس هيحسوا بالغلابة، ازاي وهما مش بيكلوا أكلهم ولا عايشين عشتهم، العيشة في مصر بقيت خراب بيوت، منهم لله”.
