علق الإعلامي الساخر باسم يوسف على انتقادات متابعيه؛ بسبب عدم كتابة عزاء في وفاة العالم الراحل الدكتور أحمد زويل.
وقال «باسم» على صفحته الرسمية بموقع التواصل الاجتماعي فيسبوك: «أنا مش نشرة أخبار، مش وكالة أنباء، ومش صفحة وفيات… أنا مش مطالب إني أعلق على أي أحداث إنت شايف المفروض إني أعلق عليها من أول نزاع في بلد معين لانقلاب في بلد تاني لوفاة حد في بلد تالتة».
وأضاف: «لو حصل وعلقت فده لأَنِّي بأمارس نفس الحرية اللي إنت بتديها لنفسك إنك تتكلم على إيه وماتتكلمش على إيه.. العيال الرخمة بتاعة ما اترحمتش على فلان ليه هما نفسهم اللي لو قلت فلان ربنا يرحمه حيخشوا يقولوا طب وما اتكلمتش على فلان أو علان أو ما جبتش سيرة ترتان ليه».
وتابع: «الملائكة مش واقفة على حساب تويتر تشوف مين اللي اترحم على مين ومين لا.. وأبواب السما أو الجحيم مش مستنية عدد اللايكات والشير عشان تقرر تفتح لمين وتقفلها في وش مين».
وختم: «الحياة والموت والترحم كانوا موجودين قبل الفيسبوك وتويتر والإنترنت شخصيًا.. الحياة الأخرى مش واقفة على التويتة بتاعتك».
