وجّه الممثل الكوميدى الساخر شادي سرور، رسالة لعبدالفتاح السيسي، في أعقاب تفجيري كنيسة مارجرجس في طنطا والكنيسة المرقسية بالإسكندرية، واللذان وقعا أمس الأحد، بالتزامن مع احتفال الأقباط بـ “حد الشعانين”.
جاء ذلك عبر فيديو نشره “سرور” على حسابه الشخصي على موقعي “فيس بوك” و”يوتيوب”، وقال: «انت اديتنا وعود كتير بإن الأسعار مش هتزيد والدولار مش هيزيد، والامن هيرجع، ووعدتنا بتطوير الصحة والتعليم، لكن الواقع غير ذلك»، مضيفًا: «مصر في عهدك بقت من دول العالم العاشر».
وأضاف “سرور”: “كل يوم في حوادث كتير بتحصل، لكن مفيش قوانين لضبط المرور، بس في قوانين صارمة لمنع التظاهر أو حجر قول الرأي، لأن مبدأ الاعتراض دلوقتي بقى خيانة للوطن”.
وتابع«دلوقتي السلع الأساسية مش موجودة مفيش زيت مفيش سكر ولو لاقيناهم بيبقوا بضعف السعر أربع مرات ، التعليم راح لمرحلة أبشع من الدروس اللي كنا بناخدها بالثانوية، التلميذ في 3 ابتدائي لازم يأخد دروس عشان ينجح» ، وأكمل «الأدوية والمستشفيات أصبحت أسعارها مولعة نار» وتساءل عن موقف المواطنين الفقراء الذين لا يملكون ثمن شراء الدواء أو الكشف في المستشفيات؟.
وأكمل “سرور” معربًا عن استياءه من وضع البلاد: “مش عايزين نقلب البلد ولا نعمل مظاهرات ولا نشيلك، احنا اصلا فاقدين الأمل.. أنا ممكن مبقاش بفهم سياسة، بس بتكلم بلسان شاب بسيط”.
