قال معتز هلال، صاحب واقعة الزفاف الثاني بحضور الزوجة الأولى، «أي ست عاقلة هتبقى سعيدة وهي بتجوز جوزها»
وأجاب «هلال» على سبب زواجه من ثانية، خلال مداخلة تليفونية في برنامج «كلام تاني» على شاشة دريم:« زوجتي الأولى تعلم برغبتي في التعدد من أيام الخطوبة، لأني وحيد فعادي أتجوز أكتر من واحدة، وأعمل عزوة»، مشيرا أنه أب لأربعة أبناء.
وقال:«زوجتي رفضت في البداية زواجي الثاني بشدة رهيبة، حتى أقنعتها لأني كده كده هتجوز، واحنا بينا كل ود واحترام».
وأضاف:«أي زوجة عاقلة هتكون سعيدة وهي بتجوز زوجها برضاها، وأي مسلم عنده مقدرة يتجوز، محدش له عنده حاجة».
وتابع:«أنا مش مخلي مراتي الأولى محتاجة حاجة، ومراتي الجديدة والقديمة لو لفيت الدنيا مش هلاقي زيهم».
ونفى «هلال» أن تكون زوجته الأولى-التي مر على زواجه بها 10 سنوات- مكرهة على زواجه الثاني أو أنها ادعت الفرحة بعكس ما يختلج بداخلها.
وكانت مواقع التواصل الاجتماعي قد ضجت، خلال الأيام الماضية بعد نشر صور لزفاف عريس على زوجته الثانية بمباركة زوجته الأولى وهو يقبل راسها وهي تبتسم في سعادة، في كفر الشيخ.
