علق الإعلامي عمرو أديب على النتائج الأولية المنشورة على العديد من المواقع بخصوص انتخابات الرئاسة ، وبخاصة مع التفوق الأولي للأصوات الباطلة على المرشح موسى مصطفى موسى في بعض اللجان.
وأشار عمر أديب من خلال تغريدة على حسابه الرسمي على موقع تويتر أن الأصوات الباطلة قد عوضت ضعف المنافسة في الانتخابات الرئاسية في إشارة منه إلى عدم وجود منافس حقيقي للسيسي في الانتخابات.
ومن ناحية أخر فقد اعتبر الاعلامي المصري أن ابطال الصوت الانتخابي يعتبر مظهر ايجابي للتعبير عن الرأي .
شكرا للاصوات الباطله فقد عوضت بعض الشيء غياب المنافسه في الانتخابات الرئاسيه . شكل محترم وايجابى لكى يعبر المصري عن رايه
— Amr adib (@Amradib) March 28, 2018
أما عن ردود أفعال المغردون فقد وجه المغردون الشكر لكل من اعتزل ولم يشارك في ما أسموه مهزلة الانتخابات الرئاسية في ظل الضغظ والترهيب الذي استخدمه نظام السيسي لزيادة المشاركة في الانتخابات من أجل تحسين المظهر السياسي أمام المجتمع الدولي
شكرا لكل حد منزلش فالمهزله دى والله
— miDo HamDy (@m7med_7amdy) March 28, 2018
الحكومة وهما نازلين القهاوي عشان يلمو الناس تنتخب غصب عنها 😂😂😂 pic.twitter.com/Pb5MvGUmGm
— mostafa hamdy 74🇪🇬 (@MOstafa_7amdy22) March 28, 2018
أهالى قرية العدوة. الشرقية . شاركوا بقوة خوفا من الاعتقال وتلفيق التهم زى الانتماء للإخوان وخلافه .
— وائل حشاد المحامي (@waelhashad) March 28, 2018
عن نفسي اشكر شعبي لأنه عرفكم انتوا قد ايه افاقين وضمائركم ماتت
وافكرك انتوا عملتوا ايه في نظام مبارك واحمد عز لما قلتم زوروا والله يااخي تزويرهم ماكانش بالإرهاب والابتزاز بالشكل الفج ده— hana mahmoud (@mahmouhana991) March 28, 2018
الاصوات الباطله
تنافس السيسي😂— ⚽️️DomY💓EmY🌸😍 (@AdamHossam13) March 29, 2018
احب اقول لحضرتك ان 99% من الاصوات الباطله اللي بتشكرها دي اصوات موظفين اجبرو عالنزول بعد تهديدهم بقطع عيشهم ✋
بتضحكو على مين— Mohammed Saiyd (@saiyd_mohammed) March 29, 2018
مهي غصب عن الناس يا عم الحاج
ده دليل على اكراه الناس واجبارهم سواء بإشاعة الغرامة أو اجبار الموظفين ، وخوف الناس من العقاب 😑— Mostafa Gado ☕ (@Mostafagado995) March 28, 2018
أنت بتسمي المجاري دي انتخابات
— Mohamad Abo Eissa (@mohamad1531981) March 29, 2018
ومن هنا بنشكر القنوات الفضائية اللي استمعت للاجهزة الامنية ووقفت بث اللجان علي الهواء مباشرة كصورة ثابتة منعا للاحراج ولان المسرحية سخيفة..
— YOUSSEF (@YOUSSEF12965885) March 29, 2018
انتخابات عباره عن مسرحية بدون جمهور يا خسارة فلوسك يا صابر الملايين اللى بتتصرف عليكوا علشان تدمروا عقول المصريين ماعملتش حاجه لازم تعرفوا أن المصريين اتغيروا ومش هيرجعوا زى زمان حتى لو عملتوا قرود 😂😂
— بنضيع يا وديع (@EgyMasr) March 29, 2018
