قال سامح أبو العرايس، المنسق العام السابق لحملة عمر سليمان رئيسًا، خلال تطاوله على الأنبياء محمد وعيسى وموسى، "موسى… هيأمر واحد من أتباعه إنه يقتلني، وعيسى هيقوم يضربني بالكرباج، ومحمد ممكن يقطع رقبتي، والمصري لما يحب يحج أو يعمل عمرة المفروض يروح الأقصر أو أهرامات الجيزة"
ودافع أبو العرايس عن نفسه مستقويا بدستور الانقلاب قائلا " لأي حد بيهاجمني علشان باقول رأيي أو بيهاجم أي حد بسبب الكلام في الأديان . أنا لي حق دستوري في حرية الرأي والتعبير وده ليس ازدراء للاديان لانه نقد علمي وليس اساءة أو شتائم : المادة 64 من الدستور : "حرية الاعتقاد مطلقة … " المادة 65 من الدستور : " حرية الفكر والرأى مكفولة. ولكل إنسان حق التعبيرعن رأيه بالقول، أو بالكتابة، أو بالتصوير، أو غير ذلك من وسائل التعبير والنشر . "
وأضاف أبو العرايس في تدوينات له عبر مواقع التواصل استنكرها العديد من النشطاء "المشكلة أني لو دخلت الجنة وقابلت الرسول محمد وسمع رأيي في أي شئ ممكن يقطع رقبتي زي بني قريظة كده وعمر بن الخطاب هينفعل ويقول كعادته " ائذنلي يا رسول الله أن أضرب عنقه ".
وأضاف:" ولو قابلت "المسيح" وسمع رأيي هيقوم يضربني بالكرباج زي ماعمل مع الصرافين في الهيكل، خاصة أن شغلي في البورصة يعني من الفئة اللي مش عاجباه وممكن المسيحيين المخلصين اللي سحلوا هيباتيا يسحلوني أنا كمان.
وتابع:" ولو قابلت النبي "موسى" بقى وعرف رأيي في اللي عمله مع فرعون ومع شعبه ومع الفلسطينيين هيأمر واحد من أتباعه إنه يقتلني زي لما أمر كل واحد من قومه إنه يقتل التاني وربنا يستر مايكونش معاه يوشع بن نون أصل ده تخصص في الإبادة الجماعية، وطبعا كل المتطرفين من كل الأديان هنلاقيهم، ماهو المتطرفين من كل دين مؤمنين إنهم داخلين الجنة.
وقال "المصري لما يحب يحج أو يعمل عمرة المفروض يروح الأقصر أو أهرامات الجيزة".
وأضاف أبو العرايس، عبر صفحته على موقع التواصل الاجتماعي "فيس بوك"، قائلًا: "هي دي الأراضي المقدسة لمصر مش عند الوهابيين اللي فرضوا دينهم على أجدادنا".
ورد أحد النشطاء على صفحته الشخصية، بالقول: "لو مش عاجبك الدين الإسلامى أو المسيحي اعتنق أي ديانة تاني أنت عاوزها بدون غلط في الأديان التانية".
وفسر قائلًا:" يعني هلاقي الحاخام عوفاديا يوسف وهلاقي بن لادن والعرعور وغيرهم ولكن في النار هلاقي فلاسفة ومفكرين وفنانين وستات جميلة وناس تعرف تتناقش معاهم ومافيش حد فيهم بيدعي لنفسه قداسة والكبير هناك هيبقى إبليس " لوسيفر " اللي كان عايز يمنح الناس الحكمة وقال لآدم يأكل التفاحة، ويمكن يعمل ثورة وينجح وتلاقي الناس اللي في النار بقت في الجنة واللي في الجنة بقى في النار.. مين عارف ؟؟!!"
مضيفا "أنا متفائل ان اللي بيشتموني دلوقت هيعرفوا الحقيقة قدام . وهييجي يوم تتخلص فيه مصر من الأديان الصحراوية المستوردة وتتخلص سيدات مصر من الحجاب الوهابي الاخواني الكريه وترجع مصر لحضارتها . هيحصل في يوم من الأيام . وثقافة الناس هتتغير . وساعتها هيقولوا ان كان معايا حق . ويل لمن سبق عقله زمانه !!"
واستأنف "ليه المصريين مايرجعوش لدين حورس بدل الاديان المستوردة ؟؟ بصراحة مصر كانت في قمة الحضارة في وقت ديانة حورس . ولما تركه المصريين تحولت مصر الى مستعمرة وفقدت حضارتها . الغريب ان الماسونيين سرقوا أسراره ومن خلالها حققت بريطانيا نهضتها وتحولت الى امبراطورية بينما المصريين بيتبعوا أديان عربية ويهودية زي الاسلام والمسيحية ونسيوا أساس نهضتهم . مجرد أفكار خطرت في بالي !!"
