أستنكرت عائشة خيرت الشاطر، نجلة نائب المرشد العام لجماعة الإخوان المسلمين قيام السلطات المصرية بمنع اثنين من أخواتها من السفر لأزواجهن بالخارج.
كشفت عائشة عن تفاصيل ما حدث بالمطار خلال تدوينة لها بموقع "الفيس بوك " بقولها: إن شقيقتيها كانتا عائدين لأزواجهما المستقرين في المعيشة خارج مصر من قبل الانقلاب، وكانا هنا في إجازه طبيعية.
وأضافت عائشة انهم منعوهم رغم باسبوراتهم اللي بتحمل إقامه بالخارج و إن أزواجهم بيشتغلوا هناك و مسافرين بطريقة شرعية وسليمة و معلهمش اي مخالفه وان موقفهم القانوني يسمح لهم بالسفر عادي..ان اخواتها ظلوا يسئلوا بالمطار حتي اجاب مكتب النائب العام و قالهم انهم قانونا معندهمش منع و لا فيه حكم او حظر قانوني يمنعهم من السفر بشهادة ضباط المطار نفسهم , بس الانقلابين شايفين انهم علشان ولاد خيرت الشاطر لازم يتمنعوا و يتحرموا من كل حاجة.
وتابعت الشاطر إن قوات المطار صادرت فلوس أخواتها -حسب قولهم- هي تعبهم وشقاهم بيسرقوها بمنتهى البساطة ويستحلوها ومش غريب علي اللي استحلوا دم الناس وقتلهم يستحلوا فلوسهم.. وأنهم كان معاهم المبلغ المالي المسموح بيه قانونا لأي مسافر يكون بحوزته، بس في دولة الغابة واللا قانون والبلطجة بيسرقوا الفلوس زي ما هما عايزين وزي ما سرقوا زاد وشركاتنا وكل حاجة وأعمار أهالينا في السجون.
وأضافت: مفيش قانون في العالم يحق لضابط ياخد فلوسك اللي في شنطة ايدك ومصاريفك الشخصية لسفرك طالما مش مخالفه للائحة .المسافرين، وأن الجهة المختصة في المطار رفضت تستلم الفلوس لأن قانونا هما مش عاملين حاجة غلط
لكن القرار جه من فوق.. نفذ التعليمات وامنعهم وخد فلوسهم ومفيش حاجة اسمها قانون مع ولاد خيرت الشاطر وخدوا الفلوس وامنعوهم وهو كده.
وأكدت أن قوات الأمن احتجزا أختيها أكثر من 19 ساعة وتفتيش قذر.. يطلب منهم فيه خلع كل ملابسهما.. مضيفة: مش منعوهم يسيبوهم بقي يروحوا واحتجزوا بأطفال صغيرين.. مكفهمش تروعيهم وحرمانهم من حقهم في أنهم يسافروا يعيشوا مع أبوهم لأ.. سابوهم في مكان مش نظيف و غير لائق نايمين فوق بعض وعلى الأرض وعلى مكاتب الضباط من غير أي رحمة.
واختتمت عائشة تدوينتها قائلة: مقلتوش ليه عن رجال الأعمال الفسده اللي بتتفتح لهم المطارات وطيارة فلوس كاملة ومعاها تعظيم سلام كمان ومكناش بنسمع صوتكم ولا نشوف كتابتكم.
ومن جانبه علق الباحث السياسي علاء بيومي على منع ابنتي المهندس خيرت الشاطر من السفر واحتجازهما بالمطار.. بجملة "الدولة بتبلطج على المواطن وتقلبه.
وأضاف بيومي -خلال تدوينة له بموقع التواصل "فيس بوك": "يعني لماذا تمنع ابنتي الشاطر من السفر؟ بأي سند قانوني؟ وما علاقتهما القانونية بالاتهامات الموجهة ضد والدهما؟ ولماذا يتم التحفظ على نقود بحوزتهما؟ ما علاقة ذلك بالقانون أو أي منطق محترم؟ هناك فرق بين الدولة والحارة التي يتحكم فيها بلطجي.
