"كل ده قرع وجدل ونصب وتمثيل وحسبي الله ونعم الوكيل"، بهذه الكلمات رد الداعية خالد الجندي علي ريهام سعيد في حلقتها عن فتيات طنطا الممسوسين التي أثارت جدلا واسعا.
واستشهد الجندي بمقاطع من أحاديث الشيخ الشعراوي عن الدجالين والتي يكشف فيها حقيقة ما يستخدمونه لإيهام الناس وأن الجن لا يلبس انسان بل يمسه فقط هذا ان كان ضعيف الإيمان فيستغل شهوته ضده، واستدل علي ذلك بآيات القران ومنها "وإما ينزغك من الشيطن نزغ فاستعذ بالله" والنزغ هنا هو المس .
وتابع الجندي ببرنامجه نسمات الروح بقناة الحياة "لو مدلقناش مية سخنه في الحمامات هنلاقي المواسير اتسدت وهتجيب السباك ياخد 500 جنية منك" مضيفا "المية السخنه ملهاش علاقه بالعفريت، بس الـ500 جنية هيخلوك يبقي عليك 100 عفريت".
وأشار الداعية لوصية الرسول بالاستعاذة من الشيطان ليس معناها إنه جزم بأن الحمام به شياطين، وتوصيته بأن نقول: «أعوذ بالله من الخبث والخبائث» عند دخول الخلاء، ليست للاستعاذة من الشيطان الرجيم بعينه، ولكن الكلمة تتضمن جميع الأضرار التي قد تحيط بالإنسان.
وقال الجندي مشيرا إلي الأنواع الحديثة من الحمامات"حمامات ايه دي الي معموله بالسيراميك والستاير ومفروشة كمان ويسكنها شياطين " متابعًا: «لكن مش كل واحدة بتطبل تجيب واحد دجال وتقولي عليه معالج بالقرآن، وأشهر واحد من الدجالين دول كان عضو في الحزب الوطني، ووراه مذيعة -يقصد ريهام سعيد- بتطبل وهو بيغني، هؤلاء يلعبون بالبسطاء، عشان يأكلوا عيش من وراهم».
وعن الفتيات قال الجندي مستنكرا «الصبايا الخمسة الغلابة اللي اتفضحوا علشان سبق إعلامي، ودخلوا عليهم شباب الحتة وقعدوا يمسكوا في دي وفي دي، واتورطوا في تمثيلية لأسباب ما تعرفهاش،مش هيتجوزوا ولا حد هيقربلهم بعد الي حصل".
وختم الجندي حديثه ببرنامجه بتأكيده علي ضرورة كشف هؤلاء الدجالين حتي لا يتأثر البسطاء بأفعالهم وكلامهم .
