عبّر حازم حسني، أستاذ العلوم السياسية بجامعة القاهرة، عن غضبه من توقيع عبد الفتاح السيسي، قائد الانقلاب العسكري، اليوم على بنود معاهدة سد النهضة مع إثيوبيا والسودان، مطالبا أنصار السيسي بالرقص على أغنية "بشرة خير"، على أن يحرص الراقصون على موسيقى الأغنية بإسماع السيسي صوت الصاجات فرحا بتوقيع اتفاقية سد النهضة.
وقال حسني، في حوار تخيلي نشره على صفحته على موقع التواصل الاجتماعي "فيس بوك" وشبه فيه السيسي بالليث: "مرة واحد غضنفر حب يسبح مع واحد ليث، قام عزمه على حمام السباحة عنده، وقال له: قبل ما نسبح مع بعض لازم أدربك على حمام السباحة بتاعي أحسن تغرق فيه، وأول دروس السباحة إنه لازم تمضى على إني غير مسؤول لو حصل لك حاجة أثناء فترة الترويض، أقصد فترة التدريب، الليث من ناحيته قال للغضنفر: بس خلي بالك إن مياه حمام السباحة دي جاية من عند ربنا، وربنا هيزعل منك أوي لو منعتها عننا في يوم من الأيام وما خليتوناش "نبلبط" فيها معاكم".
وأضاف: "الليث حرصا منه على مظهره "الكيوت"، وعلى سمعته كرجل حبوب ومؤمن بقضاء الله وقدره، وبعد ما قال للغضنفر الكلمتين اللي قدره عليهم ربنا، سمع كلامه ومضى التعهد، وهكذا، مع الإمضاء، مضى قطار التاريخ يا ولدي، وساب وراه الليث المؤدب على رصيف المحطة وهو مبسوط أوي بتوقيع العقد الذي ضمن الليث بتوقيعه حقه في التدرب على أصول السباحة في حمام الغضنفر، ومش مهم القطر، ممكن ياخد اللي بعده، ده طبعا بافتراض إن فيه بعد قطر التاريخ قطر".
وتابع: "يلا، سمعونا "بشرة خير"، ويا ريت نفرح الليث بصوت الصاجات علشان يرضى عننا، والمرة الجاية ياخدنا كلنا معاه نستحمى أو نتغسل".
