تشهد أسواق الأسماك بدمياط، ارتفاعا جنونيا للأسعار في الأيام الأخيرة، خاصة بعد ارتفاع أسعار الوقود والسولار وما ترتب عليها من زيادة كبيرة في أجرة النقل.
وتشتهر دمياط بالأسماك نظرا لوجود مدينة عزبة البرج وامتلاكها لأكبر أسطول للصيد بالمنطقة، فيعتبر السمك الأكلة الشعبية رقم واحد عند الدمايطة، وكذلك هى ملاذ الفقير حيث تنوع درجاتها، مما يعطى مساحة لكل المستويات لشرائها.
تقول فوزية نبيل، موظفة، “كنت أعتمد على السمك كأكلة شعبية تتميز بالرخص والسرعة فى التحضير وأيضا يستطيع كل واحد أن يشترى سمكا على قدر دخله، لكن اليوم أصبحت الأسعار نار وأقل كيلو سمك فى السوق ب15جنيها والأسرة بتشترى مش أقل من كيلو ونص يعنى 23 جنيها ويتكلف شوى 5 جنيهات يعنى السمك بس بيتكلف 30 جنيها غير باقي تكلفة الطبخة يعنى السمك معدش الأكلة الموفرة”.
ويؤكد رامي سمير، بائع أسماك: “إحنا مضطرين نرفع الأسعار لأن لما سعر السولار اترفع الصيادين مخرجوش للصيد في البحر فالسمك الوارد قل وبالتالي سعره ارتفع، وكمان أصحاب عربيات النقل رفعوا الأجرة علينا واحنا كتجار مش هنتحمل كل الزيادة دى فكان لازم نرفع السعر، النهاردة البورى الوسط بيبدأ من 25 جنيها للكيلو ويصل إلى 80 جنيها، الدنيس بيبدأ من 50 جنيها لغاية 120جنيها للكيلو، والبلطى بيبدأ من 15جنيها لغاية 30″.
