بعد وعود الحكومة ووزير التموين بزيادة السلع التموينية إلى 20 سلعة أصبح أمل المواطن هو الحصول على السلع الأساسية من زيت وسكر دون نقصان، وأعرب المواطنون بالشرقية عن استيائهم من تأخر السلع التموينية وغلاء أسعارها في المحلات وتحكم الباعة في أسعار السلع.
وخلال جولة لـ”رصد” بالمحافظة، يقول الموظف طه السيد: “الفقير هو اللي مظلوم مافيش مرتبات والأسعار بتزيد والشهر اللي فات شاريين زيت بمبلغ 100 جنيه مع إننا أسرة من 5 أفراد علشان الزيت ماجاش في التموين ومش عارفين هانفضل كده لأمتى!!”.
وقال المزارع فهمي عبدالله: “الشهر اللي فات الزيت ماجاش والشهر ده كل السلع ماجتش للمنافذ ومش عارفين هايصرفوها ولا لأ، والبقالين بقوا بيتحكموا فينا وبيرفعوا الأسعار”.
وأضافت فايزة أحمد ربة منزل: “يا ريت المسؤولين ينظروا للغلابة، إزاي عايزين يشيلوا الدعم والمرتبات هي هي والمصاريف كل يوم بتزيد، والزيت والسكر بيحسبوه بالكيلو لكن بييجي ناقص كل مرة ومابيكفيش الشهر كله”.
