قام أمين شرطة بقتل مريض في مستشفى شبين الكوم التعليمي بواسطة مجموعة من البلطجية، مما أدى إلى حالة من الفوضى والذعر بين المرضى.
وقال شهود عيان إن أمين الشرطة قام بإحضار مجموعة من البلطجية بعد مشاجرة بينه وبين المريض، وقاموا بقتل المريض وإصابة كل من حاول الدفاع عنه.
وكشف خالد محمد، طبيب بالمستشفى في تصريحات خاصة لـ”رصد”: “فوجئنا بعد دخول المريض بنص ساعة دخول أمين الشرطة وأقاربه في حالة صراخ، رافعين أسلحة بيضاء لتهديد كل من يقف في طريق وصولهم إلى المريض وعندما وصلوا إليه قاموا بطعنه أمام الجميع وأصابوا من حوله من أهل المريض”.
وأكد فتحي علي أحد الشهود العيان، أنه “كان يرافق شقيقه المريض بالمستشفى، وبعدها سمع صراخا وشتائم، وحين خرج وجد الدم على سكاكين ملقاة على الأرض، وناس بتصرخ بأعلى صوتها وبيقولولي يلا بينا أكيد هيموتونا، طلعت أجري أنا وأخويا المريض من الرعب، حسبي الله ونعم الوكيل في الشرطة واللي شجعهم على كده”.
وتابع مستنكرًا “ليه الفوضى دي هي الشرطة بتحمينا ولا إحنا إللي بنحمي الشرطة؟!”.
واستنكرت سمر جمال ما حدث، قائلة في تصريحات لـ”رصد”: “الشرطة دي لازم تتحاسب يعني علشان أمين الشرطة اتخانق لازم اللي بيتخانق معاه يموت علشان يستريح؟ يعني إيه يدوسوا على الشعب بالجزم بقى ما هو السيسي قال لهم اعملوا اللي إنتم عايزينه مش هحاسبكم منه لله، الله ينتقم منه”.
