يرى الكاتب الصحفي محمد الجارحي أن قرار المحكمة بتغريم كل من متظاهري 25 أبريل، 100 ألف جنيه، بمثابة “تأديب لهم ولأهليهم”؛ لأنهم قالوا إن تيران وصنافير مصرية.
وقال -عبر منشور له على “فيس بوك”-: “بتأدبوا الجدعان وأهاليهم علشان قالوا تيران وصنافير مصرية؟؟ حاطط مبالغ تعجيزية؟؟ ١٠٠ ألف جنيه يا مفتري؟؟”.
وأضاف “الجارحي”: “دي عيال شريفة مش حرامية زي اللي ع الكراسي وناهبين البلد.. دول ما حلبوش خيرها زي غيرهم اللي عايشين منعمين ١٠٠ فل و١٤ من دم الغلابة”.
وأضاف: “خلوا عندكم دم وكفاية فضايح؛ لأن المركب لو غرقت هتجيب الكل.. كفاية الكره اللي زرعتوه في الشباب تجاهكم.. الصدور تغلي وهتفضل تيران وصنافير مصرية”.
قضت محكمة جنح مستأنف الدقي، أمس الثلاثاء، المنعقدة في معسكر الأمن المركزي بمنطقة الكيلو 10 ونصف، بقبول استئناف 47 شخصًا على حكم حبسهم خمسة أعوام، بتهمة التحريض على التظاهر يوم 25 أبريل الماضي، بمنطقتي الدقي والعجوزة، وقضت المحكمة بإلغاء عقوبة الحبس والاكتفاء بتغريم كل متهم 100 ألف جنيه.
.jpeg)
