قال الفريق عبد الفتاح السيسي، وزير الدفاع وقائد الإنقلاب في تسريب أذاعته فضائية "الجزيرة مباشر مصر : "أنا عاوز أقولكم إن إحنا ننسق مع دول "الطوق" كانت سوريا منهم وكان عمقها العراق؛ لا العراق موجودة ولا سوريا هتبقى موجودة، لأن لما الجيش تدخل وانحاز لأحد، ومنحزشي للدولة، ولما انحاز ابتدى يستخدم القوة ضد الآخرين، أيًا ما كانوا، وأيًا ما كانت نجاعة وقوة الأسباب للآخرين".
وتابع:"أنا بقول الكلام ده النهاردة لأن فيه حالة موجودة في البلد، في مصر، واوعوا تتصورا إن من الوطنية إننا نقف مع حد ضد حد، أنا عاوز أقولكم إن الموقف لما يتصفى في سوريا بعد 6 شهور أو 3 شهور، أكتر أو أقل، الدولة السورية مش هتستعيد عافيتها في 3 أو 4 سنوات، ده فيه أنها دم، 40 أو 50 ألف ماتوا، وأصيب ضعفهم، مرتين تلاتة".
واستطرد: "إذا كنا هنا نتكلم عن 700 واحد ماتوا في أحداث الثورة رقم صعب جدًا، ويقولك لازم محاكمات ولازم نعمل ونعمل، يبقى الـ 50 ألف واحد يعملوا إيه، ده معنى كده إن كل أسرة هناك فيها واحد ولا اتنين، يبقى التار مش هينتهي والانقسام هيفضل مستمر".
