أعرب عبد الله عاصم- الشهير بالمخترع الصغير- عن حزنه من البقائ في أمريكا مؤكدا ان سبب بقائه أنه يعلم أنه سيتم إعتقاله لو اتى لمصر وأنه وجد مساعدة من المصريين الموجودين هناك وأنه كان يتمنى أن يكمل تعليمه ويخدم وطنه مصر .
وقال عاصم على حسابه الرسمي على فيس بوك: "ناس كتير بتباركلي وناس كتير بتكتب تعليقات تقول إنها سعيدة أني أخدت القرار ده، بس الحقيقة أنا مش مبسوط، أنا فعلا كنت راسم لحياتي طريق تاني، وكان نفسي أعيش وسط أهلي في أسيوط، كان نفسي أخدم بلدي وأنا في الصعيد، أقدم علمي وأفضل ﻵخر لحظة وسط أهلي وناسي، لكن كل ده تبخر في لحظة".
وأضاف عاصم: "القرار اللي أنا أخدته قرار صعب جدا ولوﻻ أني لقيت مصريين محترمين ساعدوني في اتخاذ القرار ده كنت ممكن أضعف وأرجع واترمي في أي سجن ومحدش يسأل عني.
وقال عاصم: "النهاردة شفت مفارقة غريبة ومحزنة، شفت فيديوهات لروﻻ خرسا ولميس الحديدي بيشتموا فيا وفي أهلي علشان خفت أرجع، أيوة أنا خفت أرجع ومين فينا مابيخافش، خايف اعتقل بالسنين أو اتسجن بلا محاكمة أو أموت بلا تمن، وفي نفس اللحظة اللي شفت فيها الفيديوهات شفت هاشتاج الشباب عاملينه باسم #ارجع_يا_عبد_الله_علشان_عربية_الخضار، ناس بتباركلي وناس بتشتمني وناس بتتريأ وأنا بالنهاية قررت أعيش كإنسان".
