يعاني فلاحو الفيوم من عدة مشكلات بسبب المصانع الموجودة في كوم أوشيم بالمنطقة الصناعية، بدايةً من تلوث الهواء والتربة، إلى تلوث المياه المخصصة لري الأراضي.
تتضرر مياه الري بفعل إلقاء مصارف المصانع لمخلفاتها بالترعة الرئيسية المغذية للأراضي الزراعية، إذ تغذي الترعة الرئيسية نحو 3 آلالاف فدان للفلاحين والأهالي بكوم أوشيم.
وتلقي مصانع النصر للكيماويات التابع للقوات المسلحة، وكذلك مصنع تجفيف البصل، ومصنع الفراعنة للسراميك وغيرها من المصانع بكوم أوشيم أطنان من المخلفات الكيماوية السائلة بالترعة، فضلًا عن إلقاء القمامة بها والحيوانات النافقة، ما يتسبب في ظهور أمراض كالكبد الوبائي والربو للأهالي والفلاحين، بحسب روايات الأهالي.
وبسؤال الفلاحين، أكدوا لشبكة "رصد" أنهم ليس لديهم سبيل لقمة عيش آخر غير الزراعة، وقال أحدهم: "من كتر البلاوي اللي بتتلقح في الترعة، الأرض قلت بركتها، الفدان اللي كان بيجيب 16 أردب قمح، بقى يجيب 5، 6 بالكتير، وزيخت زي الذرة وحشيش المواشي، كل حاجة بقت في الناقص".
وضاف "سالم – صاحب مزرعة تربية مواشي": "والله مشكلة الصرف دي مسابتش حد من الأهالي غير أما ضرته، يعني عندي مثلًا المواشي اللي بنربيها بتتأثر بهوا المصانع الملوث، وكمان الزرع اللي بنعلف بيه من درة و حشيش كل دا متأثر بتلوث الزراعات، تيجي تشوف لو تعبت راس من المواشي بتضيع عليك فرق المكسب ف الدورة كلها، هنعمل إيه في الآخر.. ربنا يعدلها من عنده".
هذا وأكد "ع.م" تقديمهم عدة شكاوى للوحدة المحلية للزراعة والري، وكذلك ميدي المصانع، ومكتب المحافظ، فيما لا ينال غير وعود لا تنفذ،.
واختتم قوله: "يظهر إن المسؤولين خايفين على زعل أصحاب المصانع، وده كله على حساب الأهالي".
