شهدت مواقع التواصل الاجتماعي "تويتر" و"فيس بوك" موجة من التعليقات الساخر بعد قرار قائد الانقلاب العسكري بتعيين فايزة أبوالنجا، وأحمد جمال الدين، مستشارين له.
وقال حاتم عزام، نائب رئيس حزب الوسط: "فايزة أبوالنجا عادت، والجنزوري يلبي نداء الوطن، وتمكين شباب ثورة ١٩، واللي مالوش خير في فايزة مالوش خير في مصر"، بينما أضاف الكاتب محمد فتحي: "الأهلي بـ9 لاعبين يفوز وينجح في التهوين علينا بعد اختيار فايزة أبوالنجا".
بينما قال محمد عبدالعزيز، عضو حركة تمرد: "سيادة الرئيس عايز الشباب يساعدوا في البناء معاك، جميل، تقوم تعين فايزة أبوالنجا مستشارة للرئيس للأمن القومي، كده الشباب يبقى مطمن يعني؟".
وسخر حسن شاهين، عضو سابق بحملة حمدين صباحي رئيسًا، من القرار، قائلًا: "في حضارات عريقة مينفعش تتغير في البلد دى على سبيل المثال الأهرامات، أبوالهول، نهر النيل، السد العالى، فايزة أبوالنجا وخد عندك بقى".
وأبدى الناشط السياسي مايكل لطفي، استيائه الشديد قائلاً: " تعيين فايزة أبوالنجا مستشارة الرئيس للأمن القومي؟! .. "يا أيتها السماء صبّي غضبك على كل اللي نزلوا 30 يونيو أو مضوا على تمرّد وأولهم أنا".
وقالت الناشطة السياسية، إسراء عبدالفتاح: "الشباب الشباب الشباب لا نخلي عيشتكم هباب".
وقالت ساخرة : "هبص في نص الكوباية المليان قبل ما اتشل هو عينهم مستشارين علشان ميدخلوش مجلس الشعب مثلا !! تفتكروا فايزة ماسكة حاجة ع البلد !يا مثبت العقل".
تساءل أحد أعضاء تويتر بسخرية "هي فايزة أبوالنجا كده عدت على كام حكومة؟ أنا سألت جدي السؤال ده فقال لي إنه ناوي يسأل أبوه السؤال ده وهابلغك أول ما اعرف" .
وعلق عضو آخر " المادة الثالثة في الدستور المصري تنص على أن فايزة أبوالنجا وزيرة التعاون الدولي وفي حالة وفاتها تورث للورثة الشرعيين " .
– إلى السيدة فايزة أبوالنجا: إنتي جاية تشتغلي إيه؟؟ .
– فكرة الخلود فكرة مصرية والدليل فايزة أبو النجا .
– أموت واعرف فايزة ابو النجا ماسكة عليهم إيه؟ .
– طبعا السيسي لما جات قدامه فايزة ابو النجا .. قالها سمعى اليمين .. مش احلفى اليمين .
ونشر النشطاء صورة مكتوب عليها مواد الدستور والتي تلزم بتولي فايزة أبو النجا أي منصب في الدولة المهم تشتغل علي طول.
