حالة من الاستياء يمر بها أهالي محافظه المنيا بسبب اختفاء بعض المواد التموينية وتأخر استخراج بطائقهم التموينية حتى الآن.
وقال رضا جرجس لـ"رصد": "أنا أبويا اصله مش من المنيا ومات وأنا عايش انا وأمي ومتغلبين علشان يطلعولنا بطاقة.. واحنا غلابة وعلي قد حالنا يعني ومحتاجين القرش".
وأضافت سيدة أخرى: "الزيت منزلش واللي كان نازل في الأول كان وحش قولنا يمكن هيغيروه الشهر ده .. منزلش خالص".
وتابعت ثالثة: "أنا بجيب الزيت من بره علشان زيت التموين مش حلو ومش نضيف بس أنا عندي مقدرة على كده ده لكن الناس الغلابة يعملوا إيه ميقدرش يجيبوا من بره فمستحملين الزيت الوحش وكمان أهو مش موجود ".
