يعاني أهالي محافظة المنوفية من كابوس "الأنبوبة ، إثر اختفائه من المستودعات وارتفاع أسعارها بالسوق السوداء ، بين تجاهل الحكومة والمسئولين ضاع حق المواطن في الحصول علي الأنبوبة في قرية غمرين احدي قرى مركز منوف .
قال سامي فريد احد الموطنين : أنا بقالي 6 أيام بروح وارجع بالأنبوبة ،كل يوم يقولوا في أنابيب اذهب للمستودع إما الأنابيب تخلص بالقريب والمحسوبية وأما تكون غير كافيه لسد الحاجة .
وتابع المواطن : الشهر إلي فات جبتها من السوق السوداء ب25جنيه منهم لله مش عارفين نملأ أنبوبة .
وأشارت سعاد احمد مسنة : عن معاناة الحصول علي الأنبوبة فتقول أنا ست كبيره ومش بقدر اجري وراء عربيه أنابيب ومش عندي هنا معاي في البلد غير ابني إلي يشتغل في إسكندرية ويزورني كل 15يوم محدش يعرف يملأ الأنبوبة غيري .
وتابع :كل يوم أجي وارجع بهدله وخناق و أحيانا وأنا صحتي علي قدي ومش بقدر اجري ولا ادخل الزحمة زيهم 12 يوم علشان أنبوبة محدش بقى بيرحم حد في الزمن ده .
وقال احمد عادل احد موزعي الأنابيب :ازدحام شديد جدا والموجود اقل بكثير من المطلوب أنا أعمل أيه ؟؟ أجيب من اين ؟؟!! الي بيجي بوزعه علي الناس المشكلة عند الحكومة إلي نسيت المواطن وسبته غرقان في أزمات .
كما قال وليد ياسر : الواحد من كثرة المشاكل في مصر مش عارف يستحمل أيه ولا أيه ؟ !! ده أنابيب ولا بنزين ولا أسعار ولا أيه !! الحكومة أصلا مش شغله نفسها بالشعب ولا في دماغها أساسا عشان توفر لنا حاجه ، شكلنا مش هنلاقي ناكل بعد كده وربنا يستر .
